متحف التراث الشعبي في الكويت

متحف التراث الشعبي في الكويت

متحف التراث الشعبي في الكويت واللي تم تصميمه وانجازه كنموذج مصغر للحياة في الكويت قديما

مدخل سوق الصفاة والسوق القديم

ساحة الصفاة وهي ملتقى يومي بين سكان المدينه والباديه حيث يتم بيع البضائع التي يتم احضارها من الفرضه .. ويرى بائع العرفج

وهني بائع اليقط يم صخلته
خلونا الحين نروح وندش السوق القديم

مدخل السوق القديم وهذا اللي واقف يسمونه حارس اسواق

البرشوته

التمار

السلاح

البشوت

البقال

اياباااااه على بطول النامليت

بعض من محتويات البقاله

بضاعة البقال ^_^

الخراز صانع الاحذيه

الحوّاج يم بعض من بضاعته ^_^
ونخلص ونمر في الفريج الكويتي

فريج قديم
تلاقي على صوب مناك الخباز

وتشوف هالناس اللي رايحه راده اللي توهم يايين من السوق

ومناك على كتر تشوف اللي قاعدين على الدجّه مالهم شغل في أحد طايحين له سوالف ^_^

صبيان وبنيّات يلعبون مع بعض ... ماكو شغل عادي قمة البراءه ترى ^_^
يالله الحين تعالوا نروح نشوف المطوع في الفريج شلون كان يدرس الصبيان

هذا اهو المطوع .. يعني المدرس في الوقت الحالي
والعده يمه .. الخيزرانه .. ولوح خشبي للكتابه عليه

الصبيان يدرسون والمطوع جبالهم ^_^ يدرسهم

ههههههه طالب مشاغب ومعاقبينه

ونخلص من الفريج وندش داخل البيوت الكويتيه القديمه

ويتكون البيت الكويتي من عدة أقسام رئيسيه .. هي :
الديوانيه .. غرفة النوم الرئيسيه .. الحوش ولازم اتكون فيه سدره مزروعه .. دار القعده اليوميه .. المطبخ .. دار الجيل .. يعني المخزن

هالبنيه اتوكّل الطيور والصخله مالت البيت ^_^
وشوفوا العتوي اللي يتربص بالحمام يبي يهجم عليهم في طرف الصوره على اليسار

كاهو عاش عتوي الفريج

الحوش الكويتي

قعدة الأهل في حوش البيت ... يشوفون لهم زاويه فيها ظل والا تحت هالسدره اللي في البيت ويقعدون تحتها

وعادة في كل البيوت القديمه تلاقون جليب بوسط البيت يطلعون منه الماي

المطبخ

غرفة القعده اليوميه ... وفيها تنحط هالدّوه بوسط الغرفه والجاي المخدر ... وخدري الجاي خدريه

غرفة النوم الرئيسيه ... وهني الزوجه تبي اتبخر ريلها .. الظاهر معزوم والا شي

السرير ... عجيب الصراحه ^_^

الديوانية

طايحين له سوالف واستكانات الجااااااااااااااااااي تدور بينهم ... وأهم مافي الموضوع المهفّه
عشان اتبرد عليهم

يلعبون دامه ... ولازم فيهم واحد امكسر راس الثاني

هذا الصبي مال الديوانيه اللي اييب لهم الجاي وينظف الديوانيه .. يعني بمعنى آخر الخادم

ونطلع من البيت ونروح لسوق الحرف اليدويه

كشك الشيخ مبارك اللي كان بوسط السوق

القطان

الحايك

السدو

الصايغ

الصفار

الحداد

الحداد

المسن
ونخلص من سوق الحرف اليدويه ونروح لصناعة السفن والقهوه الكويتيه القديمه

أولا : صناعة السفن ..

ثانيا : القهوه الكويتيه القديمه
وهي من الضروريات لدى الكويتيين سابقا .. عشان يريحون شوي فيها ويطيحون له لعب دومنه ودامه وشرب استكانات الجاي ويسمعون غوانات ... يعني جمع اغنيه بس بالعاميه القديمه هذي

مهدلي جااااااااااااااااااااااااي

يقولون مركب بن عيدان طبع صج ؟؟ ^_^

والاثنين اللي على الطرف شكلهم تهاوشوا هدوا ياشياب

...

الله يا مهاجر متحف في غاية الروعه

ويتكلم عن تاريخ الكويت

ويا محله ايام الزمن القديم

عاشت ايدك لختيارك لهاذي الصور

تحياتي

الله الله على هذه الصور
متحف اكثر من رائع ..
سلمت الايادي يامبدع للطرح التراثي
شكرا لك وكل التحيه لشخصك..

شكرا لمروركم

متحف رااائــع
شكرا لك

حمامه
شكرا لمرورك