اهداء طبعا خاص والمعنى بقلبي

اهداء خاص

ساكت شرد اگلك
هو ضل السان
عندي وبيه اسولف واعترف معجب

شفتك من بعيد
وخذت كلشي وياك
انه ادري اشراح تاخذ مني من تگرب
***
ما مرتاب منك
بس احس بخوف
وبعيونك احس كل نضرة الك مطلب

يبو عيون الصگر
سابينه من مرتاح
نطي وجوهنا لا وين من تغضب

على كيفك وياي
وشوفني بيا حال
تعبني العشگ ما بيه بعد اتعب

يابس زرع روحي
وضامة امن النار
ونارك بالزرع شيكضها من تنشب

***
تحيرني البرائه
اشما افكر بيك
ما اعرفك صدگ وياي لو تلعب

الغريبة البيك توك
ما تعرف الشوك
وشلته حال گلبي البيك هي اغرب

بسهل طبيت گلبي
وما گلتلك وين
يالشايل گلب للموت ما ينطب
***
ما احبك بعدني
وكلشي بيدك صار
چى ..شيضل علي .. لو من ..صدگ تنحب

***
مو مثل البشر
لا عمي عشگك موت
موت وشلي بيه ما منه كل مهرب

انت الحلوة بيك
اشگد صعب وياي
وانه الحلوة بيه وياك ما اصعب
***
متناسبني گلي
حتى اضل مرتاح
متناسبني اشوفن هذا حل انسب

ما احبك لان
ما شفت هيچ اوصاف
والگلك اوصفك نافق وچذب

***
ملعب للجمال
او وحدك اللاعوب
وبحسنك صرت لاهل المثل مضرب

وعيونك بيارغ
هوست عالناس
(((احنه الاسسنه الملعب واحنه النلعب بي)))
واشحدة اليطب وباك للملعب

***
تبين من بعيد
اشما مشو وياك
حجر هم وصرت من دونهم كهرب

تسب الناس
كل خطوة جدم عالگاع
من تنسب اذا لتضوج من تنسب

****
معقولة انت اكلك
اكل هاي الناس
ونفس الماي تشرب منه من تشرب

گل لاهلك دخيلك
خلهم يضموك
انت الماكو منك خاف لا تخرب

ومن يكثر المثلك
خلهم يطلعوك
بلكي تضيع لمن بالشبه تنذب

***
لتخليني احبك
بي الف فلاح
يربات المدينة ارجوك لا تگرب

طير القرية روحي
يخاف الولايات
السطوح تصيح بيه لو عالمدن يچهب

طير القرية روحي
وما يعرف هواي
ومن كتر البيادر من يلكط حب

------------مما راقى لي----------

الله عليج شنو القصيدة هذى ..ولا اروع ولا اجمل

تعبير رائع وكلمات توزن بالذهب كل تحية لهذة الروعة

تسلمين عزتى وبالانتظار ...

الله الله احسنتي رائعه جداا جدا وكلمات تفوق الوصف جدا راقت لي
احسنتي بالختيار المميز ..
وانشاء الله يوصل الاهداء

ملاحظه (( اكيد الي ))

هههه
سلمت الايادي حبي وبنتظار جديدك المتميز بكل شوق

ايبات رائعه

مزيج من العتب والمشاعر

ابدعتي ياعزتي

وشكرا لك

تحيرني البرائه
اشما افكر بيك
ما اعرفك صدگ وياي لو تلعب

ابداع حقيقي واحاسيس راقية نقشت هنا على هيئة حروف ماسية
جميل جدا سلمت الايادي

ما مرتاب منك
بس احس بخوف
وبعيونك احس كل نضرة الك مطلب
<ــــــــــــــــــــــــــــ< رماح مو كلمات
والله كلمات ولا بالخيال يعجز التفكير عن وصف تعبير هالكلمات الرائعه عسى الله يوفقج وننتظر المزيد

الله الله
ررررروعه

يا عزتي ربي يبارك فيج

تحياتي

رووعه عزتي احلى شي احنا الاسسنا الملعب واحنا النلعب بي

كلمات وكئنها سهام تجي على العله

عاشت اديج عزتي

أحبائي مرور عطر يحمل بين طياته اجمل واسمى وارق الكلمات الجميله لكم من اعماق قلبي كل التحايا مع باقات ورد معطره بأريج الأقحوان وشكرالكم للرد والاطراء الرائع تقبلو خالص تقديري واحترامي

\

» عاشگ لاتلوموني-------اهداء اهداء اهداء خااص للصدريه
» جنت اضحك بقلبي
» طريقه وضع المكياج المائي الثقيل ^_& للسهره طبعا ..
» حصــــــــــريا وقبل الكــــل طبعا كواليس برنامج عرب ايدل حلقة الجمعة وبس مني
» اهداء الى....انجل ............

اهداء طبعا خاص والمعنى بقلبي

اهداء طبعا خاص والمعنى بقلبي

مواضيع مماثلة

مواضيع مماثلة