مشط ابوذيه --اهدء الي حبايب قلبي

لأنــــك بالتزامـــــك (مو من اهلك)
أخاف تشيل ذنبـــي (مو من أهلك)
منـــــو بكدي يحبك( مو من اهلك)

منو بكــــــدي يحبك (من عشــرتك)
وأتمنى يصير إصــبع(من عشرتك)
وأنــــه شكضيت خايب(من عشرتك)

أعـــد بسنين عشـرتنـه(وهي جروح)
وأحس ويه النفس يطلع(وهج روح)
وأخيراً كتلي ودعــنــي(وهج روح)

أروحـــــــاً وين ما أكَدر(هوه انتـه)
وانه ألمـــــا هان من أجلك(هونته)
إلــــــي بدنياي شي واحد(هو انته)

وحرت بين ان تركتـــــه(ون تبعته)
أنـــــه الونيت والــوّن (ون تبعــته)
مــــــا باعك حبــيــبك (وأنت بعـته)

حــبــيــبــك باع عمره (واشترك بي)
وحزن كَلبه أعله حزنك(واشترك بي)
وبــعــد شــتــدوس كَََلبي(وشترك بي)

جبل حبه وتكَلكَــــــــــــل (لن تكَل بي)
ويدنيه شمــــــــــا دفعتــي (لن تكلبي)
وإذا تنســــــــــــى يــكــلبي(لنته كلبي)

ولا ريــدك بــعــد وب(صدري أحملك)
حبيبي شلون ترضه ب(صد رحم لك)
إذا حــمــلــك يــتــعبك(صدره حملك)

إلي وروحي ألأرض وشكـــــَد(دولهه)
وتــداوي الــداء لـــــو بالمــخ(دولهه)
بس العيــــــن ما يــحــصــل(دوه إلهه)

دواهــــــــه العين خــلهــه(من تقر بي)
وتصب كــــــــل ما تشوفك(منته قربي)
ولك شيــصير حبـــــــــــك(من تقر بي)

وتحبني أنت يقين (بصدري مو شك)
ألف شوكة السكوت(بصدري مو شك)
إنذبح كلــــبي وتشظه (بصد رموشك)

وعــــرف محد يدفنه(وشي دفـن شي)
وعكَب صدره المواكَـــــد(شيدفـّن شي)
كفّــــــــر من رسم غيرك(شي دفنــشي)

وأضــــن للجنة يدخل(مــن يــرســمـك)
وحبيبك يمسح اسمــه(من يرى اسمك)
إبسمــــك حبي جمالك(من يرى أسمك)

وأنــــه الليل بعيونــــــــك(شفته كحله)
وشفت شمس ألأصيــــل(وشفتك أحله)
العســل من ضكتـــه كــَلك(شفتك أحله)

إذن لـــــــــو من شفاهك (بسـتك اشفه)
إذا أنت المــــــــات يعدل(بس تكــشـفه)
إشتضــــــــن حبك يضعفك(بس تكشفه)

وعلي تخفي اهتمامـــــك(واكتــراثك)
وانه المن مات كَلبـــــي(وكتي راثك)
نسيت الحــــــب ألأول (وك تــراثـك)

صــدكَ ينــســه تراثــه (هسه جيلك)
وتشوف سواجي عينـي(هسّجي لك)
وأنــادي ومــا تــكـلـي(هسه أجيلك)

صحتلك يا....... (صارت كبري يائي)
وإذا راءيــت بــالــشـــط (كــب ريـــائي)
حــبــيــبــي شــلــون تــجـرح (كبريائي)

وتذلنــــــي كَبال كــــــــل ناسك (وناسي)
وبقيت إبصحره شاتلنــــــــــــي(وناسي)
ناس تكـــــــول لا تسكــــــت(وناس أي)

لأن كلــــــــــــــــش مذلتــــــــي(لاكتلهم)
وجبل حبــــــــــــــي المقدس(لاكه تلهم)
كالـــــــوا حــــــــيل ذلــــــــــك(لا كتلهم)

عنايـــــــــــة احتاج كلبه و(جاي أعاني)
وخفيت شكثــر منـــــــــك(جاي أعــاني)
تمـــــر مرني مــــــن أزورك(جايع آني)

شكثر ندمـــــــــان جي بـــيــتك (عتبته)
وعرفني الباب من دكتــــــــي و(عتبته)
عتابــــــــي وياك جي أحـــبـــك(عتبته)

كلبــــــــــي شلون يمهم(وك كســرته)
أسيـــــــــــر وذّل شجالك(وك إسـرته)
كبــــــــل جانت أسرتك(وك إسرتنه)

أســـرتك هسه ســـمتـــني الضحية

الله تسلم يا مبدع .....

شكرا علاوى على هذا المجهود الرائع ....

تقبل مرورى ..........

شكرا على المرور

كلام جميل بوركت الأيادي طرح قيم

تحياتي

شكرا علىى المرور

الله روعه علاوي عاشت ايدك

شكر للمرور احزان

كلام جميل واحساس روعه قمه الجمال