يمته ترد



بدمع عيني أحلفك مو بكاس الماي

يمته تحن عليَّ و يمته گـلي ترد؟

يمته ترد حبيبي العمر عده وراح

گـلت أيام صار سنين گـلبي يعد

حسبت و تيهيت وعدت من جديد

لأن غيبتك طالت حتى ضاع العد

ملت ذكرياتي من كثر ما عيد

بيها وهي تدري ما يجي الموعد

بزوايا البيت أدوّر عن بقايا حروف

وأون ون اليتيم وطفل متشرد

يسألوني عليك و گلت هسه يعود

ما ترجع تسكت الناس يـالمبعد

محطات السفر تعرفني صارت زين

وتجاوبني قبل ما أسأل وانشد

نفضح گـلبي بمحبتك گـلي وبعدين

تردلي؟ لو اگـول لظلمي متعمد

أظنك ما تحبني وبرد ذاك الشوگـ

وإذا بعدك تحبني شبيك متردد

يا أجمل حلم خاويته من صباي

تعال أفتح الروح وبالوسط اگـعد

تعال ارجع حبيبي ذبل ورد البيت

بجيتك خله يفرح ثاني و يورد

ويرد ليّ الأمل وانسه الحزن والنوح

والبس ثوب ألأبيض وأنزع الأسود

ومن ترد أريد تصير حر الصيف

وتذوب دمي بشريان متجمد

وأطش طول الدرب ريحان

وأصالح گـلبي الزعلان

وبطولك حبيبي ابقى متمدد


~ حيدر السعبري

سكته.. سكته

لو تشوف شلون
أفز لو غفت عيني
من تمر بأول أحلامي
ولو تشوف شلون
بغيابك أون ون العليل
ومن دمعتي
تغرگـ(ق) وسادة منامي
عنك اسأل .. يا حرامي؟
والحرامي الباگـ بيتي
ترك كل شي و باگـك انت
واني أونن سكته.. سكته
خاف يسمعني الحرامي
وخاف ما أرد لمنامي
أيامي من بعدك حبيبي
توشحت كلها بسواد
وكل صورنا بيها خط اسود عريض
وذكرياتك أعلنت بدأ الحداد
الصباح انطيته عطلة
وأنصبت بيت العزاء
وحدي اسلم على الحضور
بسمتك..
عينك.. وشعرك
ذكرياتك.. اسم عطرك
ويرجع مكسر سلامي
سكته سكته..
خاف يسمعني الحرامي
وخاف ما أرد لمنامي
وتسكت أجراس المدينة
والسكون يصير موجة
وتغرك بنصها السفينة
يا ونينه ..
گلبي من أيون
ابد ما يخفي على العالم ونينه
شلون بينه..
أني وآهاتي و دموعي..
شلون بينة..
اني مشغول بعزائي
وللحرامي
انت شو صاير رهينة
گلي هم يوصلك صوتي؟
وهم تشوف عيوني
أتبوس بديك
والنجوم تصير زفة
من يمر اسمي عليك
هيچ أني
الليل من يمر عليه
اعزم البوم الصور
والذكريات
و هيچ أني
الليل من يبدي حفلته
ما أنام
ومن أنام نكمل السهرة
بمنامي

~ حيدر السعبري

لا تــلـچــم جـروحـي

ما ردتـك دوه يـداويـلي جـرح سـنين
وما ردتـك خلـگـ يسكن وسط روحي
وما ردتك فـرح يطرد حزن بـالعيــن
لان ادري اصـيـل بـهـمي وبـنـوحـي
وما ردتـك لـغـز ابحث له عن تفسير
ومـا ردتـك نـهـر وتـغـرگـ سـفـوحـي
اعـرفـهـا عـليـك هواي هـيـچ تـصـير
ردتـك بـس تـبـطـل تـلـچـم جـروحـي

لا تــلـچــم جـروحـي كـافي اتـرجـاك
غـلـطـاتـك حـطـب وتـشـعـل بـنـاري
ظـنـيـتـك وفـي لـمـن مـشـيـت ويـاك
ورجـتـك عـلـيـهـا بـسـرعـة اسراري
كـل نـقـطـة ضعف تندلها وين تصير
وبدل مـا تـقـوى بيك تموت اشجاري
شـكرا يـاصـديـقـي ما كو كل تقصير
من شـمـاتـي صرت اسمعها اخباري

لا تــلـچــم جروحي بـطل أنت شـبيك
روح بـغـيـر لـحـمـي جـرب انـيـابـك
مـتـعـجـب بـطيبة گلبي صح ادريـك
ومــثــلي مـا لـگــيـت ابـيـن احـبـابـك
ردت حـبك كــنـاري يـغرد بـدنــيـاي
وانـت بـكـل اسـف دزيـتـلي غـرابـك
ارحـل ما الـك مـسـتـقـبل انت ويــاي
وعــاتــبــنـي اذا دگ الــگـلـب بــابـك

لا تـلـچــم جروحي مـا غـلطـت وياك
محوطـات الجرح ويضحكن حروفك
ورغـم صـعـبـة عليه بس اريد انساك
واريـد چـفـوفـي تـنسى تبات بـچـفـوفك
واذا مـرن طـيـوفـك بيه وكـت الـنـوم
اضـغـاث اعـتـبـرهن اجـمل طيوفك
وتـمـثـالـك بـگـلـبــي راح اهـده الـيـوم
واعـمـيـهـا الـنواظـر سـاعـة تـشوفك

~ حيدر السعبري

+
-
صرخة ضعيف




لا تـظـن بـصـرخـتي صـرخــة ضعـيف


تدْري من اصرخ بصوتي عروش أهـد


ولا تـظـن بـمــطـلـبي مـطـلـب خـجــول


وبــسهــولــة انــســاه
واتــنــازل و أرد


ولا تـظـن جـروحـي من تعتـكَ تـطـيــب


انـي جـرحي شـمـا عـتـكَ
يـرجـع يـِجـد


ولا تـظـن الـجـرح مـن يـنـزف اجــيــك



و أنــتــظــر مــنــك تــداويــه
وتـــشـــد


ولا تـظـن مــــن أنــجــرح أمـي
تـخـاف


مـن أطـيـح امـي تـصيـح أحسنت أعــد


ولا تـظـن شـفـافـي مـن تعـطـش أخــاف


لــو أفــكــر بــيــك
إذا مـسـنـي الــبــرد


ولا تـظـن الـطـيـبـة عـنـدي
بــلا حــدود


تـغـدر وتـــظـــلـــم و
قــــدمــــلـك ورد


ولا تـظـن نـقـطـة ضـعـف هـذا الـهـدوء



بـحـر أنـي احـذرنـي مـن اجـزر وامــد


ولا تـظـن أصـبـر عـلى عيوبك طويـــل


حـجـر قـاسـي وفـوكَـي مـايـثـبـت
ربــد


ولا تـظـن عـيــونـي مــن تـتـعـب
تــنـام


جــفـنـي مـن يـذبـل
الـحـاجـب بـيه يشد


ولا تـظـن بـابـي ســهـــل
مـفـتـاحـه دوم


تـفـتـحـة
مــن تـريـد و بـكـيـفـك تــسـد


ولا تـظـن أبـقــى إلـــــك تـــابـع
مـطـيـع


لـغـيـر رب الـعـزة مــا
أصـبــح عــبــد


حيدر السعبري

الشاعر حيدر السعبري

شكراً لكم عزتي.. حقيقة اخجلتموني بهذه الخطوة التي اسأل الله أن اكون استحقها فأنا لا أريد بكلماتي أن اصبح شاعر بل هي فيض ن مشاعر تختلج القلب وتتصارع مع الفكر فتساقط على صفحات اوقاتي حروفا ادعي انا انها شعر فلكم كل الود والاعتزاز وايضا انا اتمنى ان يكون المشاعر حقا يستحق كل هذا