ابيات شعر شعبي

اهداء الى علاوي وجاك
مع خالص تحياتي

هجرك يا ولف صاير بلا حد
مثل سيف الي يكص ركبه بلا حد
كلتلي انتظري واني ارجع بالاحد
واجه الاحد يمته تعود اليه
..........
شفت طعم الفراك شلون مكروه
وشفت لمتنة جانت حيل حلوة
حسيت بألم وبداخلي جروح
ومصيبة فركتك صارتلي بلوة
صرت بعدك حزين وذابل الروح
لان وحدك جنت للروح سلوة
جنة اثنين نمشي ونعبر بحور
اشو بعدك صرت ما امشي خطوه
...........

مسحتك من حياتي وانتهى الموضوع
وبعد مادير بال وابـد مـــااهتــم
لاترجع بعد وادكلي هـم ندمان
ميفيد الندم تدري المسح قد تـم
................
يروحي وحياتي وانت عمري

واذا خرب زماني أنت عمري

تشع صيتي وكعت وضاع أمري

وروحي اليوم وصلت للمنيه
.................
صابر اضل للموت بس كون اشوفك تدري انت كلش زين مابية اعوفك
...............
شحجي وتريد الناس من عندي أحجي

دمعتي بطرف العين بس احجي ابجي
.............
طفل جرحي بغيابك يرضع ادموع
تعال بشوفتك خليني افطمه
............
ردت ابجي بوداعك بس كلت هيهات
ماطخ راس الك يمخيب اظنوني&
سيطرت اعله نفسي وكلت الله وياك
ما طاح الدمع بس طاحت عيوني
...............
غيرك ما حله واحد...بالعيون
واغمض وابقى اشوفك...بلا عيون
بغيابك مو دمع ابجي... بالعيون
بدونك احس روحي تموت بيه
................
مع خالص تحياتي لكم

مرحبا مهاجر

انه بصراحه كل ما احد الاخوان ينزل قصيده

ارد عليه

بس هاذي الابيات ماحصلت شي ارد عليك فيه

يعني وبكل امانه واعترف انه اختيارك لكلمات شي خيال

توفقة فيه

رائعه قليل بحقة

كلمات وسطور من ذهب

ابيات مدموجه بلمحبة

والله يعين علاوي وجاك

شلون يردون عليك

تحياتي لك

واسمحلي بردي البسيط جدا

عهد الوفى باقي على عهـد مبنـاك
اليوم وامس ومابقالي مـن اسنيـن
عهـدٍ صـدوقٍ لا حشـا ماتعـداك
مكتوب باسمـك مايبيلـه براهيـن

تفداك كل الخلـق والـروح تفـداك
راضي بدستورك على الراس والعين
أطلب من المولى يصونك ويرعـاك
قلبي وروحي لك على العهد وافيـن
لا ظرف يبعدني ولا وقت يمحـاك

خذنـي قطـاه ولمّنـي بالجناحيـن
الروح توفيلـك ولايـوم تعصـاك
تمشي على حسب الوفـا والقوانيـن
للبدر نور ونوره الكامـل اعطـاك
والنور قرب النـور للـود نوريـن

الطيب عاداتك من اولـك لاقصـاك
يامن ملكت القاف جيمه مع السيـن
ينصاك حرفي والمواثيـق تنصـاك
والحب كله لك حـروف ودواويـن
أعطيتك القلب الوفي والغـلا جـاك
كلمه وخذها كاش مـا فيـه بعديـن


مع خالص شكرى وودى للاخ المهاجر ...

حياااااااااااااااك حيااااااااااااااااااااك مهاجر ونعم بيك وبصلك وصحبتك الي ما تنشره بفلوس الدنيا كله

اريد اقلك يا مهاجر
يازعيم الطيب والا ياعقيده..انت ياشيخ المراجل والكرامه
يا فريد النوع يالقرم الوليده..تنهض يوم الوغى ثاير عسامه
سعد من هو حطك حساب برصيده..في بنوك المرجله والا الشهامه

واقولك بعد يا مهاجر
عسى الردي ياكاسب الطيب يفداك..ماهو كفو يفداك..يفدى رجولك
انت الذي على روس الأشراف مبداك..والا الردي مهما تعب مايطولك
مدت يمينه ماتجي عند يسراك..واغلى ثيابه مايساوي نعولك

واقول لك وافهمه عدل يا مهاجر

الموقف اللي صدو عنك وخلوك
وضاقت بك الدنيا ولا فيه فزاع
ابشر بعزك لعنبو من عادوك
تأمر علي وانا أجيك بياع
لاتشتكي الدنيا وان حي ياخوك
يفداك راسي وكلي لك انصاع

وتحياتي لك ولصحبتك الطيبه
اتمني ان تعذرني لاني مو قادر ارد عليك
تحياتي