حدك لا تگللي ما أسولف بيك

ماعفتك أبد ..صدك وفيت وياكـ
عاشرتك فرح يلـ عاشرت عيني

خليتك ضمد .. وجروحي كِثرة حيل
من بعدكـ أظن الهم يجاريني

ويلـ عايش رغد .. بلا دموع العين
وبس آنه الهموم تضل تواسيني

تذكر من أجيت ويمي خايف حيل
وأظل سهران حد .. ماتتعب أيديني

جيتك هسه ميت .. وغاب صوت الروح
صدك معقوله ناسي البينكـ وبيني ..

؟

حدك لا تگللي ما أسولف بيكـ
وعندك سهله صارت من تأذيني

ماتعرف أبد بغيابكـ انته شلون ..؟
أضلمت ايامي وراحت سنيني

ما يروي العشگ .. صدگني وي غيرك
منين اجيب الصبر يا دنيا صبريني

اذا كل لحظه ابجي وما ترحم انته شلون
ما تكسر الخاطر دمعتي بعيني ..

؟

ويا گلبي أشتعل ما تطفه ناره تزيد
بفراگـك جمر ظل دمعي يجويني

أظن كل البشر تنسه الـ يروح بساع
وبس آنه القهر ياهو الـ ينسيني

آنه ادري اليحب ما يعرف النسيان
لعد ما انسه حبكـ .. وبضيمي خليني

موضوع جميل جدا تح ياتي لكي

شكرا لللمرور

الله يا عزتي كلمات جدا رائعه وجميلة تسلمين
وعاشت يدك للذوق
تحياتي

صاحبة القلم المميز
دائماً تبدعين
وتطربيننا في حضورك
سلمت الانامل للابداع المتواصل
دمتي بالف خير عزيزتي

منورين عيوني

شكر ا للمرور