عزيزي الزائر / عزيزتي الزائرة
يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى فاهلا وسهلا بك
سنتشرف بتسجيلك..
لتكون مميزا بين المميزين والمبدعين وفردا من اسرتنا الرائعه ..
ادارة
منتدى مملكه الابداع ملتقى كل العرب ..~
كل التحيه ..~
منتدى مملكه الابداع ملتقي كل العرب
عزيزي الزائر / عزيزتي الزائرة
يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى فاهلا وسهلا بك
سنتشرف بتسجيلك..
لتكون مميزا بين المميزين والمبدعين وفردا من اسرتنا الرائعه ..
ادارة
منتدى مملكه الابداع ملتقى كل العرب ..~
كل التحيه ..~
منتدى مملكه الابداع ملتقي كل العرب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
مرحبـا بكم اعزائي ....
كم أتمنى أن تتسع صفحات منتدياتنا لاقلامكم
وماتحمله من عبير مشاعركم ومواضيعكم
وآرائكم الشخصية
التي سنشارككم الطرح والإبداع فيها
مع خالص دعواي لكم بقضاء وقت ممتع ومفيد
عدد المساهمات : 4476 نقاط : 9868 تاريخ التسجيل : 30/12/2011 المزاج : نوبه حلوات الليالي نوبه...مرات
موضوع: رايح انقل مواليد والسبعينات والثمنيات الى زمن جميل من خلال ذكريات الأربعاء يونيو 27, 2012 6:45 am
تذكير بمساهمة فاتح الموضوع :
رايح انقل مواليد والسبعينات والثمنيات الى زمن جميل من خلال ذكريات
طريفه بس ما ابيكم تضحكون ....
تذكر لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها .
تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه .
تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب .
تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع ( بلاستر وباندج)
تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل -
تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه .
تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر
تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.
تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب .
تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم .
تذكرون تيلفون بوقرص واللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعورك.....صج كانت معاناة بالعيشه.
تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول
تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....
تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول
تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه .
تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.
تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره .
تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال .
تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.
تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه
تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله .
تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووول .
تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم .
تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت .
تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين
تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه .
تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد ......
تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ .
تذكرون كمبي وتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .
تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش ( تقول فرقة التلفزيون لوووووووووووووووووووووووووول .)
تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم .... لووووووووووول .
تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف ..... ترررررن تررررررن سكشن فايف.....هاي سوبر فالكون ههههههههه .
تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول
تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .
تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول
عدل سابقا من قبل عزتي مني وفيني في السبت أكتوبر 27, 2012 5:41 am عدل 1 مرات
كاتب الموضوع
رسالة
ع ـۓًـ~ِξـلآآوـي
عدد المساهمات : 10790 نقاط : 17692 تاريخ التسجيل : 08/11/2011 العمر : 40 المزاج : ورده تعاليق : فـي غيابـك صـرت أنَـآ مثل الغيـابـ
شيـﮱ [موحش , صعب , مليـان أسئلـه]
يبتـــــدي بالجــرح .. ۆَ ينهيـه العتــااابـ
ۆَ بـ [ آحبـــڳ ] تنتهـــي هـ المشكـلــه
!؛؛!
~~يقتلني صمتك~~ تحميل الملفات
موضوع: رد: رايح انقل مواليد والسبعينات والثمنيات الى زمن جميل من خلال ذكريات السبت أكتوبر 27, 2012 6:05 am
ههههههههههههههههههههههههههههههههه هاي شنو عزتي
شفتي شلون يرقصون بذيج
الايام مو اي احد يرقص هيك هههههههههههههههه
هذوله يعني حركات عجيبه ههههههههههه
مشكوره على الاغنية المغبره
جآك سبآرو
عدد المساهمات : 11997 نقاط : 19094 تاريخ التسجيل : 07/11/2011 المزاج : ماعندى مزاج تعاليق : كن كالشمعة...تحترق حتى تظىء طريق الاخرين ...ومهما كان حجم الظلام ..فشمعة
واحدة ستبدد كل الظلمة ...
موضوع: رد: رايح انقل مواليد والسبعينات والثمنيات الى زمن جميل من خلال ذكريات السبت أكتوبر 27, 2012 6:13 am
عاد اعرس قبل كانت شي خيالي انه مرات اشوف صور عرس قديمة تصدقون تصير فيني خرعه تقول مومياء مو عرس عاد الحريم الكبار يكونون كاعدات يحششون طبعن (نشوق ) عجججججيب النشوق زين اذكر جدتي الله يرحمة تاخذ نشوق طيب قبل النشوق شنو كانت تسووووووووي بصراحه ذكريات شي رهيب
جآك سبآرو
عدد المساهمات : 11997 نقاط : 19094 تاريخ التسجيل : 07/11/2011 المزاج : ماعندى مزاج تعاليق : كن كالشمعة...تحترق حتى تظىء طريق الاخرين ...ومهما كان حجم الظلام ..فشمعة
واحدة ستبدد كل الظلمة ...
موضوع: رد: رايح انقل مواليد والسبعينات والثمنيات الى زمن جميل من خلال ذكريات الثلاثاء نوفمبر 13, 2012 3:15 pm
عزتى اشفيك قبل النشوق البلسة...اى ..قات ..باليمنى ههههههههههههه
وهى عبارة عن رماد متجمع من الموقد ...ويفضل ان يكون الخشب المحروق
فى هذة العملية ..خشب صندوق طمام ...او باب ..لونة بنى امصدى ...ههههههه
عراقي غيور مشرف قسم التقنيات
عدد المساهمات : 5987 نقاط : 12224 تاريخ التسجيل : 03/12/2011 العمر : 39 المزاج : الحمد لله على كل شي MMS
موضوع: رد: رايح انقل مواليد والسبعينات والثمنيات الى زمن جميل من خلال ذكريات الأربعاء نوفمبر 14, 2012 1:19 am
شلون ايام ذكرتينه بيه
احله ايام من حنجللي بنجللي
وركيضان وختيلان وحي الجميع ولعبة ملك لص جلاد ووزير
وكارتونات الجميلة ايام البساطة والخير
شكرا لكِ عزتي ع موضوع الجميل
عزتي مني وفيني
عدد المساهمات : 4476 نقاط : 9868 تاريخ التسجيل : 30/12/2011 المزاج : نوبه حلوات الليالي نوبه...مرات
موضوع: رد: رايح انقل مواليد والسبعينات والثمنيات الى زمن جميل من خلال ذكريات الخميس نوفمبر 15, 2012 3:31 am
ملك لص جلاد ملك الله وكيلك هاي من اذكره يصير بيه مغص ههههههههههههههه منورني عيوني
رايح انقل مواليد والسبعينات والثمنيات الى زمن جميل من خلال ذكريات
..
الرئيسية
المزاج
موضوع: رايح انقل مواليد والسبعينات والثمنيات الى زمن جميل من خلال ذكريات 
الأربعاء يونيو 27, 2012 6:45 am
