عاشرتك نجم ...

موضوع: عاشرتك نجم ... الأربعاء يونيو 13, 2012 8:15 am

رهمتك علي بس مارهمت وياي
انته الما ردت شتريد اسويلك
عاشرتك نجم من جان عمرك ليل
أذوب وأشتعل حته ابقه أضويلك
ومن طلعت شمس خط رجعه ماخليت
ماجازيتني لمن خلص ليلك
بانيلك جنت حضرة عشك بالروح
ومرقد للمحنه بروحي بانيلك
ردت منك امراد وخذت مني امراد
وعلك بجفوفي شايلهن زناجيلك
وانذرلك جنت وافتر واحني الباب
هسه اتهدمت ياباب احنيلك
امانه اسرار عمري وبيها ما اوصيك
يم شباج ذنبك صاحن ادخيلك
وبكيفك بعد صون الامانه اتخون
ما أكدر بعد أغفر واعديلك
مابينك وبينك حيرتني وياك
مره ابجي اعله طبعك مره اغنيلك
بدلالك جن طفل بالجرح مال اكبار
اشد الجرح بيد وبيد الوليلك
لاتنصف عدل لاترضه بالمقسوم
تاخذ حصتك ومن حصتي اوديلك
انته الوزعت والفرح سهمك صار
من سهم الحزن شتريد اخليلك
جبتها وياك شعره وعاقل ومجنون
كلساعه وتجرها وانه ارخيلك
شلي بهلتعب والعمر وشلة كاس
من كاس العمر جم دوب ابديلك
راح اصبر بدونك وارهم بلياك
وأذبح رمش عيني الجان يبجيلك
واتحمل عذابك والبعد والشوك
وما حط صورتك كدامي واشكيلك
ما اكلك نسيتك بس جرح بالروح
يكسر واهسي ومايقبل امشيلك
عيني الشالتك كلتلها اشيلج راح
كالت شيلني وما قبلت تشيلك
وجرحي الفاك صدره وما يريد اخياط
واكف جنه واحد جاي يدعيلك
بس مجبور ادفنك ياعشك ياشوك
واقره الفاتحه وبالوحشه اصليلك
بعيوني الحزن يقرونه اليواسون
والفوك الحزن لوتدري شاحجيلك
شمات الاجو واسوني ثالث يوم
حيل وياك كالو مدري شد حيلك
وكالو مو حلو الثوب الطويل اعليك
واليكصر بعد لتضن يكفيلك

يشرفني أن أكون أول من اقتحم أبواب مملكتكِ العامرةوحديقتكِ الغنّاء

انتي الجوهره المكنونه والضياء الذي ينير المنتدى بفعل طيبتك والذوق الرفيع ايتها الماهره وانتي فعلا ماهره بقدراتك الكبيره

ونشاطك وحيويتك في التفاعل مع الجميع لخلق روح الابداع

والله اني اعشق هاذي القصيده لدرجه الجنون وكنت دائما

استمع لها وفعلن نقلك للقيصده كان موفق وبامتياز

تقلبي مني خالص التحايا وجميل المشاعر مع المرور المتواضع هذا

شكرا الك عزيزتي انجل
شكرا على الموضوع
و احب اكلج انو هذا الشاعر
مو بس ابن خالتي اخويه و صديقي احمد الذهبي

تح ياتي الك

عزتي مني وفيني كتب:: يشرفني أن أكون أول من اقتحم أبواب مملكتكِ العامرةوحديقتكِ الغنّاء

انتي الجوهره المكنونه والضياء الذي ينير المنتدى بفعل طيبتك والذوق الرفيع ايتها الماهره وانتي فعلا ماهره بقدراتك الكبيره

ونشاطك وحيويتك في التفاعل مع الجميع لخلق روح الابداع

والله اني اعشق هاذي القصيده لدرجه الجنون وكنت دائما

استمع لها وفعلن نقلك للقيصده كان موفق وبامتياز

تقلبي مني خالص التحايا وجميل المشاعر مع المرور المتواضع هذا

حبي عزتي كلماتج خجلتني بصراحه
ان كان للطيب فضل فهوفضل اخلاقكم

فديتج حبي اشكرك جدا وهذه القصيده ايضا راقت لي جدا وقرئتها مرارا وتكرارا
اعجب كيف تصبح للحروف معاني تثير الشجن وتقدر بالماس والذهب
لانها وليده الاحساس فليس للاحساس ثمن
تقديراتي واحتراماتي لهذا الشاعر الطيب الذي نحت هكذا روعه
حبي عزتي تسلمين وسعيده جدا بمرورك العطر والرائع كعادتك رائعه وتحملين معك ازكى العطور والكلمات
كلي شكر لكي ..

كوسوفي بغداد كتب:: شكرا الك عزيزتي انجل
شكرا على الموضوع
و احب اكلج انو هذا الشاعر
مو بس ابن خالتي اخويه و صديقي احمد الذهبي

تح ياتي الك

علوش اسعدني مرورك العطر
وايضا تفاجات لان عرفت انو هذا الشاعر من اقاربك
نتمى انو نتعرف عليه اذا كان بستطاعتك تحضره لنا فقط لكي نشكره على هذه الرائعه
تحياتي لك وله اينما كان هذا الرائع الذي كتب هكذا حروف عبقه بالمعاني الرائعه

شكري وامتناني ..

دائما مبدعه في كل شي

اختيارك للقصيده اكثر من رائع

تعرفين ماذا تختارين

شكرا يا انجل للذوق الجميل

تحياتي

مو بس روعه مادري شنو اوصف هذه الكلمات الي تخلي الواحد يصفن بيها وتاخذه لغير عالم
روعه روعه
شكرا انجل فعلا ذواقه ورائعه
اشكرج لهذا الاختيار المميز
ولهذه الروائع الي تمدينا فيها
الله لايحرمنا منكم

كلمات رائعة جدا وجميلة جدا
وان تكشف عن روعة شاعرها وصدقه في رسم حروفها لتعبر عن احاسيس ومشاعر حقيقية
فهي بالوقت ذاته تكشف عن جمال ذوق من راقت له فرسمها امامنا لنعيش معها لحظات ممتعة
لكم كل التقدير والاعجاب اختي انجل على روعة الاختيار

انه شاعر يعرف كيف يصيغ المشاعر..
حروف تـداعب وتر العاطفه..
انجل..
موشح بنور احساسك السامق
انيقه الحضور وراقيه الحس
لقلبك الياسمين ولروحك شقائق النعمان
محبتي والورد..