صحيح اكبالك اضحك

صحيح اكبالك اضحك

صحيح أگبالك أضحك من احاچيك
بس چادر قهر بالروح منصوب

... ولو أيوب يدري بصبري وياك
مايوم أصبرت چا گلي أيــوب

كلما ردت أعدلك أعوج الگاك
ومثل شعرك اشوفك ضدي مگلوب

أگلك توب بسك جوز العناد
ترجع مثل الأول وأبد متوب

اطب من باب اجيلك ترگع الباب
ادگ البوب تركض تقفل البوب

تگلهم ما أحبة وشكله مكروه
وماتنحب وأگلهم والله محبوب

أعذيبي اشتم هواك وآني مخنوگ
خنگة الأمهة ماتت وكت الغروب

بيك أعيوب لكن من احاچيك
انساهن وأطلع بيه العيوب

من گلبك أشوفك تمسح أسمي
وأچذب عيني اگلهة شبيج مكتوب

بدرب يومية أطبلك حتى الاگيك
لحد ماخلصت وياك الدروب

اروح اشرب أگولن بلكت أنساك
بصفي الگاك وانتة تصبلي مشروب

تمطر ملح ايدك فوگ الجروح
ولأن ابيض اشوفة اعتبرة حالوب

يا أسلوب اجيبة؟ حتى اراضيك
تطلع شيبة بيضة براس الأسلوب

أضم بجيبي كلمة آني اهواك
تجيك وچف اديهة يشگ الجيوب

مثل منصلب عيسى ومريم تنوح
لحد هسةأعلى ملحك جرحي مصلوب

روح وماگلك بس كلمتين
مثل مالبت منك ريتك أتلوب
---------------------------
مما راقى لي

السلام عليكم

شرد اكلك غير الي كاتب هاي الكلمات شاعر مميز

وكلماتك رائعه وجميله

ونقلك للقصيده كان موفق

دمت بالف خير

هلا ومرحبا ام علاوي

فعلن من سطر حروف القصيده انسان رائع

شكرا للمرور العطر

علاووي هاي القصيده قديمه هوايه

بس على مااظن ترجع للشاعر رحيم المالكي الله يرحمه بس مو اكيد

المهم قصيده روعه وجميله جدااا وانه احبه بكل امانه

عاشت ايدك لنقلك للقصيده

تحياتي

روعة.. روعة.. روعة

اختيار جميل يكشف عن ذوق اجمل

احيانا تكون الكلمات اجمل من كل موسيقى العالم تقراها وانت تشعر كانك تستمع لسمفونية عشق او جرح

عزتي منوره كل التحية للمرور
-----------------------------
اخي العزيز الغالي شاعرنا المشاعر

يشرفني ويسعدني مرورك العطر المعطر بنسيم الريحان

كل الشكر للكلمات الجميله

تحياتي

الله الله كلمات رائعه وعزف على وتر المشاعر والقلوب
فعلا كلمات توزن بالذهب والماس ..
علاوي اشكرك على هذا الانتقاء الرائع الذي ينم عن حس مرهف مستشعر بكل همسه حرف

تحياتي لك ايها الرائع وتحياتي لصاحب هذه الكلمات الرائعه ..

انجل الذوق

والابداع نتعلمه منكم

كل الشكر المرور العطر