ياحضرة القاضي النبيل أنا الدلــيل ..!

:::::::::::::::::::::::
أنــا الدلــيــل
:::::::::::::::::::::::

يصرخ شهيد لما سمع مفيش دليل
أنا الدليل ,, قبري دليل , أمي دليل
تبكي عليا نهار وليل

يصرخ جريح لما سمع مفيش دليل
أنا الدليل ,, عجزي دليل ,, وجعي دليل

بص عليا يا حضرة القاضي النبيل
انده عليا , اطلب عنيا , العميا ديا

أو جتتي المشلولة ديا يشيلوها شيل

يا حضرة القاضي النبيل
إزاى تقول مفيش دليل !

اسأل حجر وكوبري اتبدر شرطة وغفر
بالأمر نفذ , صوب عليهم, اقتل قتيل

روح اسأل الكوبري الطويل

وعندي كمان شاهد أصيل
شاهد ملك
شاف كل حاجة , والسر فيه
جثث ضحايا رقدت في حضنه
كان غصب عنه

يبكي عليها بناى حزين
ويغني ليها المواويل

يا حضرة القاضي النبيل

روح اسأل النيل الأصيل

يهديلك بدل الدليل
ألف دليل

!!!

حسبنا الله ونعم الوكيل

قصيده كونه باللهجه الشعيبه المصريه

ولاكن تتمتع بمفردات جميله جداا

كل الشكر اخوي حسين

تدللين عيوني منورة لقسم