الى الأم


------------------الى الام----------------
كرم بيهه بحروبطيب الف شلال--عبايتهه النسه وحجابهه الناموس
امي العوز بيهه يكص لحم ويشيل--بس نور بوجهه يشاوي خمس شموس
حرامي يبوك منه ماتفزع الناس--تدري العوز مر تكله امش محروس
انا امي حصار وجفهه يصنع خير--انا امي بحر وكياشه بالقمه
وكل كطره عرك من كصه امي اطيح--توصل وجه كاعك تنكلب زلمه
شضايه امريكا بيهه وكابرت متموت--بس تموت اذا مسيتهه بكلمه--
ومن صار القصف وتهدمت البيوت--تلم البت كله بشالهه تضمه
امي الماتصد عين الرماح العوز--امي الماتعاني بيوم التعاني
تسوي الوجه كرصه وناكله من نجوع--وهيج بقدره الله يخضر الثاني
امي ايات اديهه وبيهن انا ربيت--واحس من دون البشر قران رباني
الشمس ماتجوي امي تحبهه حتى النار--واذا صدت عليهه الشمس تدنه
واذا سلمان مامر جدمه على الحيوان--اني امي النبات لبيتهه تعنه
الهوه يشتم هواهه ويروه منها الماي--وبجلدت اديهه تحنت الحنه
الجنه موفقط تنزل تحت الاقدام--اذا تمشي بجهنم تنكلب جنه