ألمخبـــــــــــــــــــــــــــــــــــــــــــــ ـل

من يوگع بنادم ينهظم لو شاف
بي عمه ايتشمت واخوته وخاله
الزلمه امنين يصرف من يمر بالسوگ
أذا ماكو شغل والاده بطاله
من طبع اليحب الفتن بين الناس
... يفرح من يسوي ابينهم گاله
ألماشي عدل كلماته ظربة سيف
والباطل أبد ما يوگف اگباله
جبان الي يبوگ ويلبس احلا ثياب
شجاع الما يبوگ ويلبس الباله
حافظ عالكرامة وأغفه ما شبعان
ولا شبعان تغفه وماكل افظاله
شرف ما عدهه ذيچ الزلت اعله فلوس
شريفه الما تزل وتاكل انخاله
المظيف امبين الرايد يجيه الظيف
على بابه ابد ما تلگي اقفاله
العشيرة الي تريد الهيبه بين الناس
من يخطء ابنهه تكون فصاله
مو شيخ اليذب اعگاله حتى يعيش
شيخ الي يموت ورافع اعگاله
أذا للدين ترجع ولرضا المعبود
الگطع وصلك أبد لا تگطع اوصاله
ألطاهر حليبه وعنده غيره وطيب
ما ينكر استاذه وينكر افظاله
ذب السيف ابد ليشيله چفك يوم
أذا شفته اعله چفك ما أجه فصاله
بركتنه انتهت بارض الوطن يا ناس
من الماي گمنه نبيعه ببطاله
الوطن عالي لچن بعد اعله والله يصير
لو مابي شباب هواي بطاله
ألمخبل صدگ معيوب بين الناس
لچن بحسين هيبه اليعلن اخباله

عاشت ايدك
كلمات وله اروع ولا احلا
ابدعت واهنيك على هاذا الاختيار
المميز
دمتي بخير
عزيزي

وايدك لعايشه ورد شكرا ع لرد

عاشت ايدك ورد ...

.........
............

عاشت الانامل ياورد

هلا بيكم عيوني جاك وعراقي

عاشت ايدك اخوي شكرا الك

مشكورة ع لرد عيوني

عاشت الايادي قصيده رائعه

وايدك خيوو منور

عاشت الايادي قصيده جميله

وايدج لعايشه عيوني