غلـــط زينب تنلفـظ هـــيج بلسـان

غلــــط زينب تنـلفظ هيــج ابلســـان

وبلفـــظهــا اســتغـفرت ربي آنة

واجــب الــيذكرها يتـــــــوضة ابدمــوع

ويســـتحب يلــبس حجــاب لســــــانه

كووون من تذكـــــرها تتراجف خــشوع

مثـــلما يخـــشــــع بلال آذانــه

هاي بت قــــــــرآن ناطــــق بت شـريف

ماهي بت افـــلان ابن فـــلانة

القصــــيدة التـدخل ابطـف كربـــلاء

كوون توكــــف بالشمـــس عـطشــانة

زحمــة توكـــف قافيـــة ابشــفتهة ماي

كبــــال ســكنة البالعــطش ذبــلانة

القـــلم لو راح بدروب الفــــرات

خل يعــيش المعــركة ابوجدانه

لا يرد صـــوب الخيم وجــفــوفة بي

لو يكــصهن لو يضل بمـجـانه

ولو يضل بمجانه لا زينب يكول

اخــطر امجــان لذكــرها هنانة

هنانة كافلــهة وذا زينب تصـــيح

جــفوفــة تبــقة تعـاين الذرعانه

الشعــــــرمن ينكتــب بس عالحسيــن

خــالص لوجه الله يرفع شــانه

تلكى حتى ابيــاته مسلــوبة الرداء

وترتفـع فـوك الرماح اوزانه

تشتم ابكل صـــورة دخان الخيام

وللسمـة تطك لو صعـد دخانه

وحــدة الموضــوع ما ثبتت معاي

شعـري عن زينب دخل عنوانه

وحـدة الموضــــوع وينك يلكفـــيل

وين اجمــعه ومحتــرك صيوانه

صعّــدت جلماتي عالهزّل زغار

ازغار بس حسراتهن كبــرانه

وبثكــل حســراتهن جان السؤال

نمشــي وين وعــمنة ماهو ويانة؟

الطبــع ديوان عن طـف كــربلاء

خــله يحـــذف كلمة من عنــوانه

كلمة الديــوان خل يحــذفهة دوم

حتى لا زينب تطــب ديوانه

إشحال زينب مِن وِگـَع واليهـــــــــا

إودارت إخيول الخيانه إعليهــــــــا

ـــــــــــ

إشحال زينب ياعلي إبيوم إلطِفـــوف

بالعيال إتحير لو شَگف إلصِفــــــوف

يو حسين الطاح يو لـَم إلچفـــــــــوف

لو جروح إلطاحَوا إتداويهـــــــــــــــا

ـــــــــــ

ظـَلـَت اوحيده عگب ذاك إلخِدِر

عين لله إوعين تخزر بالشِمِـــــر

اوعين ابو السجاد وي زينب تفر

هَسَه يَم جَدي إمَيَه اشكيهـــــــــــــا

ــــــــــــــ

إشلون تِقبَل غيرتك يابو إلشِيَــم

آل إمَيَه إتصول بَكتار إلخِيَــــــم

وإنتـَه تِدري إبزينِبَك أصِل إلقِيَم

گوم ليها ياعلي إوحاميهـــــــــــــــا

ــــــــــــ

إشلون تِرضَه الخدر ايشتموها

اوعيني عينك عل الهزل يسبوها

إوعِد يزيد إبمَجلِسَه إيوگفوهـا

اويارذيله المابقت حاويها

ـــــــــــ

ياعلي الوگفه تـَره إتهِد إلصَخـَر

بَس علي إوعيناك بت سيد إلبَشَر

خـَلِتـَه إمسودن ولا عمرَه إسـتـَقر

سَقـَر صارت دِنيـِتـَه إلماذيهــــــــا

ـــــــــــ

إحنـَه من زينب تِعَلمنـَـــــه دَرِس

وإحنه وي حسين عانگنه إلشَمِس

مانِهادِن مَمشَه مِن يمشي عَكِـــس

إومانِبايـِع بَس نَسِل داحيهــــــــــــا

ـــــــــــ

شيعِتـَك يَحسين وي خـَطـَك مِشَت

لانها مِنكم كل شَرفها إتوَسِمَــــــت

وآل إميَه إوكِل نـَسِلها إتوهِمَــــــت

شيعِتـَك ياهو اليجي ايلاويها

ــــــــــــ

ضَنـَوا إلشيعَه إلمصايبكم نِسَت

مادَروها إبَدم لـَجـِلكم وَقـَعَــــت

للجباه إلشيعَه بأسَمك وَشِمَـــت

شيعِتـَك چي شيعِتـَك يـِكفيـهـــــــا

عاشت ايدك اخى الكريم ...رحم والديك .......

.........
...............

روحي فدااء لسيدتي الحوراء زينب

عاشت ايدك اخوي وبارك الله بيك احسنت

موفق من الباري اخي الفاضل

عاشت الايادي قصيده رائعه