يوليدي . يجسام . يوليدي
***********
رمله من خيمتها نادت گوم يا شبل الحسن
عمك الو حده يجاسم كالأسير المرتهن
حاطته أذناب آل أميه منهو غيرك بالظعن
يوليدي . يجسام . يوليدي
*****************
گوم نشف دمعة أمك وانوي ميدان الحرب
گوم يا شبل الغوالب وال عبد المطلب
گوم طب ألحومه يبني نشف أدموعي التصب
يوليدي . يجسام . يوليدي
****************
يبني من أيدي ألوصيه هاك أخذها يالولد
يبني شاهد محتواها وصير لحسين السند
يبني بالميدان أريدك تسحگ اخشوم الشدد
يوليدي . يجسام . يوليدي
****************
انهض وصيح انه جدي علي ليث الموزمه
انه أبوي الحسن اسمه وجتي اسمها فاطمه
صيح يا مهجة فؤادي وعلّي صوتك للسمه
يوليدي . يجسام . يوليدي
****************
سلّه سيف الحسن يبني وارتديها أعمامته
ادخل صفوف الأعادي واهتف انه ضنوته
بالحياة ألعمي أضحي هاي أبوي أوصيته
يوليدي . يجسام . يوليدي
****************
يبني لحسين وعياله رخّص سنين العمر
ردد بهاي ألمقاله واضرب بگوم الكفر
يمه والباري بجلاله اليوم ينطيك النصر
يوليدي . يجسام . يوليدي
*****************
الخادم أبو إيمان المجراوي